Bilatzailea:

Elkarri Albistegia

Harpidetu
Ezabatu







       

       &nb


Gorka Espiau
Gorka Espiau (Bilbo, 1972)

Hamar urtez Elkarriko nazioarteko harremanetarako arduradun gisa jardun ostean, egun Whashintonen dago euskal gatazkaren harira Amerikako Estatu Batuetako Bakearen aldeko Instituturako (USIP) www.usip.org, ikerketa lan bat egiten. Bertako Kongresuaren ganbarak sortu eta kudeatutako erakundea da hau.

Euskal Herriko Unibertsitatean Zientzien Informazioetan lizentziatua, azken urteotan Elkarri aldizkaria zuzendu du eta hamaika artikulu eta entsegu idatzi du gatazkak eraldatzeko momentuan gizarte zibilak egin dezakeen ekarpenaren inguruan. Aldi berean, euskal gatazkaren harira aditu bezala parte hartu du nazioarteko, estatu zein Euskal Herriko komunikabide desberdinetan.
[2005eko abenduan] irakurri
Javier Vizcaíno
(Barakaldo, 1967)
1988tik Radio Euskadin lan egiten du. Bertan, duela sei urtetik hona "Más Que Palabras" magazina zuzentzen ari da, berak sortutako "Cocidito Madrileño" tarte ezagunarekin. "Cocidito Madrleño de la A a la Z" (Ediciones Foca, 2003) liburuaren egilea
[2005eko irailan] irakurri
Miquel Tàpies
(Bartzelona, 1960)
Arte Historian lizentziatua. Fundació Antoni Tàpies-eko zuzendaria da 1990. urteaz geroztik.
Hemen klikatu Miquel Tàpiesi Elkarri Aldizkariaren 114. alean egindako elkarrizketa irakurtzeko.
[2005eko ekainan] irakurri
Pilar del Río
Pilar del Rio 1950. urtean Sevillan jaio zen. Letrak ikasten zituenean frantziako ikasleei aditu zien galtzada-harriaren azpian itsasoa ezkutatzen zela eta berak halakoa sinistu zuen. Egia esan, oraindik ere horretan dihardu, jakin arren hoditeria horietan barrena krokodriloak eta zerraldoren bat igerian dabiltzala. Dena dela, itsasoa garbitzea gurean dugun beste eginbeharretako bat dela uste du Pilarrek.
70. hamarkadaren bueltan kazetari bezala lanean hasi zen. Frankismoaren peko irratian Parisen Demokraten Batzordea osaturik zegoela jakin ostean ez zuen modurik izan honen berririk irratian emateko. Tira. Carrero erail zuten, Franco hil zen eta Trantsizioa iritsi zen eta azkenean, bada, zilegizkoa zen zentsurarik gabeko informazioarekin ausartzea.
Egun SER katerako eta Canal Sur telebistarako kolaborazioak egiten ditu. Garai batean prentsarako eta Espainiako Telebistarako lan egin izan du. Radio Euskadin ere kolaboratu izan du. Jose Saramagoren liburuak gaztelaniara itzultzen ditu. Lanzaroten bizi da. Ezkertiar, internazionalista, fedegabe eta errepublikazaletzat jotzen du bere burua. Ezkonduta dago eta seme bat du.
[2005eko maiatzean] irakurri
Estitxu Fernandez
(Lesaka 1975)
Psikologian lizentziatu ondotik Nafarroako ikastetxeetan bertso eskolak ematen eman zuen urte bete. Ordurako bazebilen Bidasoa Baztan aldeko Ttipi-ttapa telebistan lanean albistegiak aurkezten eta saio bereziak egiten eta Bertatik Bertara saioan kolaboratzen ere orduan hasi zen. Psikologo bezala lan egin zuen ondotik, Minbiziaren Aurkako Elkartean, eta bertan jardun zuen lanean 3 urte t'erdian. Denbora horretan guztian telebista eta psikologo lana uztartu zituen. Azkenean, psikologia utzi eta telebistan jarraitu zuen. Sorginen Laratza, Bexamela, Bizizaleak eta orain Bertatik Bertara aurkezten. Berrian ere Sexualitate orria eramen zuen 6 hilabetez pasa den urtean.
[2005eko apirilean] irakurri
Omer Oke
(Benin-Ben 1965)
Eusko Jaurlaritzako Inmigrazio Zuzendaria, Omer Oke Bilboko Mugarik Gabe erakundearen proiektuen arduraduna izan ondoren, Bilboko Elizbarrutiko Caritas-eko Etorkinen Proiektuaren arduraduna izan zen. Omer Oke duela hamairu urte iritsi zen Euskal Herriko Unibertsitatera Informazio Zientziak ikastera. Publizitatean lizentziatu ondoren graduatuondoko ikastaro bat egin zuen Kooperazio Deszentralizatuan espezializatuz.
[2005eko urtarrilean] irakurri
Oscar Terol
ETBko Vaya Semanita saioko antzezlea, gidoilaria eta aurkezlea. Halaber, Radio Euskadiko Boulevard saioan duen atalari esker egunero irri egin dezakegu bere arrimora. Oscar Terolek ETBko bere bidea 1995. urtean urratu zuen Les Louviers taldeko bere kideekin batera, Lourdes eta Javier, ordurako jada 5 urtetako lana bizkarrean zutela. Egun, urte beteko itzalarekin, Vaya Semanita saioko istorioak euskaldunon eztabaidagai ditugu, hala nola beste telebista kateetan osagai.

Oscar Terol eta Almudena Cachorekin Elkarri aldizkariaren iraileko hilabeteari dagokion elkarrizketa irakurri ahal izateko hemen sakatu
[2004ko azaroaren 23a] irakurri
Luís Tosar
Lugon sortu zen 1971 urtean. Antzezle modura, antzerkian eta telebistan hasi zen. Zinean estreinakoz "Atilano Presidente" filman lan egin zuen. "Te doy mis ojos" pelikulan egindako lanaren trukean, antzezle onenari Goya saria eta Donostiako Zinemaldian Zilarrezko Maskorra irabazi ditu. Joan den urtean, "Los lunes al Sol" filmagatik bigarren antzezle onenari emandako Goya saria eskuratu zuen.

Luis Tosar eta Rosa Regàsekin Elkarri aldizkariaren maiatzako hilabeteari dagokion elkarrizketa irakurri ahal izateko hemen sakatu
[2004ko irailaren 22a] irakurri
Javier Sádaba
Etikako katedraduna da Madrileko Unibertsitate Autonomoan, Teologia eta Filosofiako ikasketak burutu zituen Erroma, Tübingen, Columbia, Oxford eta Cambridgen. Lan mardula argitaratu du, tartean Wittgenstein filosofoaren pentsamoldearen azterketa sakonak, Francoren diktaduraren aurkako artikuluak, demokraziari egindako kritikak edota 80. hamarkadan Euskal Herriko independentziaren eta indarkeriaren harirako hausnarketa kitzikagarriak.
[2004ko maiatzaren 24a] irakurri
Txema Urkijo
Llodion jaio zen orain dela 42 urte. Abokatua lanbidez, Eusko Jaurlaritzaren Giza Eskubideen eta Justiziarekiko Lankidetzarako batzordeko zuzendaria da. 1988 urteaz geroztik Bakearen Aldeko Koordinakundeko kidea da, garai batean bertako batzorde iraunkorreko partaide izan zelarik. Ezkonduta dago eta 13 urteko seme baten aita da. 80. hamarkadaren hasiera arte EKAn jardun zuen
[2004ko apirilaren 23a] irakurri

 



info@elkarri.org